|
|
|
شعر
خروج
الى روح الفنان التشكيلي محمود سليمان
الآخرون فسدوا
و أنت طازج
ربما لأنك احتفظت بنفسك
في رف ابتسامة
و ربما لأنهم
ما زالوا معرضين للحياة
....................
الضجة لص اذن
و اللوحة اكتملت
كان يجب أن تلفت الانتباه اليك
بصوت أكبر
كانفجار دانة مثلا
ليسكت كل شئ
كل شئ
فقط كان ثمة صوت
يشبه قطرات ماء
من صنبور لم يغلق
جيدا
عبده الريس/ شاعر و مترجم مصري
صدر له ديوان شعري بعنوان "فقط يربي حماما و يصنع برجا حصينا من العزلة" عام 2000، كما قام بترجمة رواية "دميان" لهيرمان هيسه الصادرة عن سلسلة آفاق عالمية- الهيئة العامة لقصور الثقافة، و قام بترجمة كتاب "اليسار الفرويدي" لبول روبنسون الصادر عن
المشروع القومي للترجمة- المجلس الأعلى للثقافة العدد 724
ـــــــــــــــــــــــــــــــــــــــــــــــــ
قنبلة
أنا جاتلي فكرة اني أخترع قنبلة
تثير العواطف و التعاطف و الشجن
يمكن أقدر يا حبيبتي اني أبوسك ف الميدان
تحت ساتر م الحنان
بس يلزمني كمان لما تلحقنا العساكر
اني أغطي انسحابك و انسحابي.
!يا خرابي......
!كل ده علشان أبوسك
أمال ايه يلزم بقى؟
لو جنوني زاد شوية
و مس عصب العشق فيّا
و غصب عني لقيتني عايز أحضنك؟
سمير الأمير/شاعر و مترجم مصري
ـــــــــــــــــــــــــــــــــــــــــــــــــ
نهارك سعيد
كل عام و انت راجل ما فيش منّه خوف
متنّح.. مصلّح قفاك للظروف
مسبّح بحمد الحرامي
اللي حامي النعاج و الخروف
تعدّي عليك المحن و انت طيّب
قريّب ها تشرب لبن في الفطار
و طبعا ها تلقى الغدا و الفطار
و تلقى ف جيوبك مصاريف نهار
و تلقى الجدار اللي تسند عليه
و تلقى الحبيب اللي مادد ايديه
و تسكر بضحكة عنيه
!مش هزار
لعيد الضحية
هدوم الولاد الجداد و الضحية
اللي عايز يجيب لحم عيد الضحية
الضحية..الضحية..الضحية..الخروف
كل عام و انت راجل ما فيش منّه خوف
كل عام و انت راجل شديد البراءه
مطلّع بطاقة لمواطن سليم
سليم يعني أطرش..و أعمى..و طناني
و ساكت عن الحق
..حافظ أغاني العبور
و اللي بعد العبور من أغاني
!كل عام و انت راجل ما فيش منّه خوف
مصباح المهدي/شاعر مصري
ـــــــــــــــــــــــــــــــــــــــــــــــــ
فجيعة بقدمين
أقول ماذا؟
قولي أنت لهم
يسكتون
يسكتون قليلا
،دمي هارب
و جسدي في الزنزانة
،لماذا لونتم الأشياء بالأصفر
!!بالأصفر فقط
لن أخطو خطوة تجاه وجهه
أبدا لن أفعل
جلد معصمي احترق بين أسنانه
و أنت بنفسك
شممت جزعة
رائحة لحم يحترق
أغرق الشوارع التي تؤدي اليه بالوحل
فتح البالوعات تطفح
لن أخطو
أحكم اغلاق الباب بعنف
و راح يدخن هادئا
يضع سكينة المطبخ
تحت وسادته المتسخة
أنا قلت لن أخطو
يمشي الآن في شقتنا
فاردا ذراعيه، يستمتع بالفراغ
..يبول في الحمام واقفا
يدغدغ أعصابه
أزيز الماء على البلاط
يمسك فقرات ظهره
و يطوّحها
..،يطوّحها في الحوائط و الأبواب
،ثم يقفز متماوجا من الضحك
،ارتطمت جبهتي في الحائط
و كدت أغرق في البالوعة
اسكتي الآن
أرجوك
ستسقط الدموع من عينيّ
و سوف يجرحك هذا
!!أرجوك
حسني الزرقاوي/شاعر مصري
ـــــــــــــــــــــــــــــــــــــــــــــــــ
نام بدرى احسنلك
كل واشرب واتنيل على عينك عيش
محنى ومنتوف الريش
اضحك وانت ماليك الخوف
وامشى ع الحبل كأنك من أبطال السيرك القومى
والبس ألف قناع وقناع
علشان ما تبانشى قدام الناس مهزوم
وماتحلمش لأن االحلم حياخد منك رزق عيالك
و يقولوا عليك الناس مجنون
أحسنلك لما الهفة تجيلك
تتفرج على أى مسلسل فى التلفزيون
وتنام بدرى عشان تصحى تروح الشغل
وتمضى ف الدفتر زى عوايدك
إيه؟ مش عاجبك؟
ناوى تقاوح تانى؟
- راح تاكل بالجزمة م الإمبريالية الصغرى مراتك
وان جبت اخواتك حتجيبلك امريكا
وحتفتن وتقول إنك ضد الحكم الوطنى وضد التطبيع
وانك حاقد على كل اللى بيشترى ويبيع
وساعتها محدش هيصدقك إنك مت ف67
وعبرت ف 6اكتوبر
واتبرعت بنص مرتب علشان مصر ماتبقاش مديونة
اتنيل بقى يا بن المجنونة وعيش زى بقيت الدراويش
وارحمنى عشان الورقه حتخلص
وماعادشى كلام ف دماغى المخرومة.
سمير الأمير/شاعر مصري
|
|
